Шабакаи Айфилм2 аз 8 майи 2026 мизбони як сериали мутафовит хоҳад буд; сериале ки на як достон, балки маҷмӯае аз ривоятҳои кӯтоҳ ва таъсиргузорро дар дили худ ҷой додааст. Сериали «Сарв, Сапед, Сурх» бо сохтори эпизодӣ, ҳар шаб соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе нашр мешавад.
Ин сериал дар қолаби достонҳои ҷудогона, ба суроғи таҷрибаҳои инсонӣ дар шароити ҷанг меравад; ҷое ки зиндагии одӣ дигаргун мешавад ва инсонҳо бо озмунҳои душвор рӯбарӯ мегарданд. Дар ҳар қисмат, мухотаб бо қиссае тоза ошно мешавад; қиссае ки аз дили рӯзҳои буҳрон берун омада ва талош мекунад тасвире наздик ва воқеӣ аз зиндагии мардум ироа диҳад.
«Сарв, Сапед, Сурх» танҳо як ривояти ҷангӣ нест; балки бештар бар равобити инсонӣ, тасмимҳои душвор ва лаҳзаҳое тамаркуз дорад ки сарнавишти афродро тағйир медиҳад. Ин нигоҳи инсонӣ сабаб шудааст ки достонҳо барои мухотабони Афғонистон ва Тоҷикистон низ қобили ламс бошад; зеро таҷрибаи буҳрон ва истодагӣ, бахше аз ҳофизаи муштараки мардуми ин минтақа аст.
Яке аз вижагиҳои барҷастаи ин сериал, ҳузури чандин коргардон аст ки ҳар кадом бахше аз ин сериалро коргардонӣ кардаанд. Ҳамин танаввуъ дар нигоҳ сабаб шудааст ҳар қисмат ҳолу ҳавои хоси худро дошта бошад ва бинанда бо фазои якнавохт рӯбарӯ нашавад.
Дар бахши бозигарӣ низ феҳристи густардае аз чеҳраҳои шинохташуда ҳузур доранд; аз ҷумла Фарибо Кавсарӣ, Нилуфар Шаҳидӣ, Сирус Ҳимматӣ, Руҳуллоҳ Замонӣ, Алиризо Ҷалолӣ-Табор, Маҳдӣ Алипур, Ҳомид Маҳмудӣ, Нилуфар Кӯҳонӣ, Ситора Ҳусайнӣ, Меҳрдод Зиёӣ, Ситора Содот Қутбӣ, Гулнӯш Қаҳрамонӣ, Озито Туркошванд, Ризо Файёзӣ, Хайём Вақоркошонӣ, Ҳамидризо Наъимӣ ва Баҳор Нуҳиён ки дар достонҳои ҷудогона ҳузур пайдо мекунанд.
Бар пояи гуфтаҳои таҳиякунанда, идеяи сохтани ин сериал дар ҳамон рӯзҳои оғозини ҷанг шакл гирифт; замоне ки гурӯҳи созанда талош доштанд ривоятҳое наздик ба воқеият ва ҳамзамон бо иттифоқоти ҷорӣ ба тасвир бикашанд. Ҳамин равиш сабаб шудааст достонҳо ҳисси зинда ва воқеӣ дошта бошанд ва бинанда эҳсос кунад бо ривоятҳое аз дили зиндагии воқеӣ рӯбарӯ аст.
Сохтори эпизодии ин сериал як имтиёзи муҳим барои мухотабон ба шумор меравад; зеро метавонанд ҳар қисматро ба сурати мустақил дунбол кунанд ва ҳамзамон бо идомаи нашр, тасвири комилтаре аз фазои куллии сериал ба даст оваранд. Ҳамин вижагӣ кунҷковӣ барои дидани қисматҳои баъдиро ба гунаи табиӣ афзоиш медиҳад.
Сериали «Сарв, Сапед, Сурх» аз 8 майи 2026 ҳар шаб соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе Тоҷикистон аз шабакаи Айфилм2 нашр мешавад.
