Филми телевизионии таърихии «Рӯшноии субҳдам» ба коргардонии Ҷавод Маздоободӣ рӯзи панҷшанбе, 2 июли соли 2026, аз шабакаи iFilm2 намоиш дода мешавад.
Ин филм бар асоси як қиссаи воқеӣ таҳия шудааст; асари таърихие, ки бахше аз рӯйдодҳои пеш аз воқеаи Ошӯроро аз нигоҳи зиндагии як ҷавон ба тасвир мекашад.
Қиссаи «Рӯшноии субҳдам» дарбораи Хузайма аст; ҷавоне, ки пас аз бозгашт аз сафар ба Куфа, барои муайян кардани замони издивоҷ бо Насиба, духтари Барир ибни Хузайри Ҳамадонӣ, ба хонаи онҳо меравад. Аммо ӯ мефаҳмад, ки падари Насиба Куфаро тарк кардааст. Ҷустуҷӯи Хузайма барои ёфтани ӯ, вайро ба роҳи душвор ва пур аз озмоишҳо мебарад.
Дар ҷараёни ин сафар, Хузайма бо Ашъас Киндӣ, раиси шуртаи хонаи Куфа, рӯбарӯ мешавад ва барои расидан ба ҳадафи худ маҷбур мегардад як муомилаи сангинро бипазирад; муомилае, ки ӯро ҳамчун ҷосус ба сӯи хаймаҳои Имом Ҳусайн (алайҳиссалом) мефиристад. Аз ҳамин ҷо, достон ба як озмоиши бузург барои эътиқод ва интихобҳои ӯ табдил меёбад.
«Рӯшноии субҳдам» бо тамаркуз бар фазои таърихии садри Ислом, мекӯшад дар канори нақли як моҷарои пуртаниш, мавзӯъҳое чун вафодорӣ, тасмимгирӣ ва истодагарӣ дар лаҳзаҳои душворро ба тасвир кашад.
Дар ин филм Ҳасан Ҷавҳарчӣ, Меҳрон Раҷабӣ, Миртоҳир Мазлумӣ, Ҳусайн Тӯша, Ҳасан Асадӣ ва Куруш Зореъӣ нақш офаридаанд. Филмномаро Иброҳим Алии Барзӣ навишта ва Ҷавод Маздоободӣ онро коргардонӣ кардааст.
Ин филми телевизионӣ рӯзи панҷшанбе, 2-уми июл соли 1405, соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе аз шабакаи iFilm2 пахш хоҳад шуд.
