Филми синамоии «Аз Карха то Райн» ба нависандагӣ ва коргардонии Иброҳим Ҳотамикиё рӯзи панҷшанбе, 4 июн аз шабакаи АйФилм2 пахш мешавад.
Ин филм маҳсули даҳаи 90-уми милодӣ буда, аз ҷумлаи осори мондагори синамои ҷангии Эрон ба шумор меравад; асаре, ки ба ҷойи тамаркуз бар саҳнаҳои набард, паёмадҳои инсонии ҷанг ва дардҳои пинҳони пас аз онро ривоят мекунад. «Аз Карха то Райн» нахустин ҳамкории муштараки синамоии Эрон ва Олмон низ маҳсуб мешавад ва солҳо пас аз истеҳсол ҳамчунон миёни осори таъсиргузори ин жанр ҷойгоҳи вижа дорад.
Достони филм дар бораи «Саъид» аст; муҷоҳиде, ки бар асари ҳамлаҳои кимиёвӣ, биноии худро аз даст дода ва барои табобат ҳамроҳи шуморе аз ҳамразмонаш ба Олмон фиристода мешавад. Дар он ҷо, хоҳараш «Лайло», ки солҳо дур аз ватан зиндагӣ кардааст, аз ӯ нигоҳубини мекунад. Дар канори талоши пизишкон барои дармони Саъид, муносибати эҳсосии ӯ бо «Юнус», хоҳарзодааш, лаҳзаҳои таъсиргузор ва эҳсосиро дар достон шакл медиҳад.
Аммо дар ҳоле ки рӯзанаҳое аз умед падидор мешавад, озмоишҳои тиббӣ ҳақиқати талхеро ошкор месозанд; ҳақиқате, ки масири зиндагии Саъид ва хонаводаашро тағйир медиҳад.
Алӣ Деҳкардӣ, Ҳумо Русто, Ҳанс Нойман, Содиқ Саффоӣ ва Асғар Нағизода аз ҳунармандони ин филм ҳастанд. Фазои эҳсосӣ ва инсонии асар, дар канори пардохти ором ва амиқи достон, боис шудааст «Аз Карха то Райн» фаротар аз як филми ҷангӣ, ба ривояте дар бораи хонавода, фидокорӣ ва ранҷи инсон табдил шавад.
Ин филм барои бинандагони Афғонистон ва Тоҷикистон низ метавонад қобили дарк бошад; зеро дардҳои баромада аз ҷанг, муҳоҷират ва дурӣ аз хонавода, таҷрибаҳое ошно дар ҳофизаи бисёре аз мардуми минтақа ба шумор мераванд.
Бар ин асос, филми синамоии «Аз Карха то Райн» панҷшанбе, 4 июни соли 2026, соати 20:00 ба вақти Теҳрон, 21:00 ба вақти Кобул ва 21:30 ба вақти Душанбеи Тоҷикистон аз шабакаи АйФилм2 пахш хоҳад шуд.
