Шабакаи «Айфилм2» рӯзҳои панҷшанбе ва ҷумъа, 12 ва 13 ноябри соли 2026, ба ҷойи сериали «Оқо ва хонум Сангӣ» ду қисмати силсилафилми иҷтимоию омӯзанда «Шояд ба шумо ҳам рӯй диҳад»-ро намоиш медиҳад. Ҳамчунин, шаби ҷумъа як қисмати силсилафилми «Қиссаҳои Тибиён» ба ҷадвали пахши шабака илова шудааст.
Бар асоси тағйироти нав, намоиши «Оқо ва хонум Сангӣ» барои ду шаб муваққатан боздошта шуда, аз рӯзи шанбе, 14 ноябр, тибқи барномаи қаблӣ идома меёбад.
«Шояд ба шумо ҳам рӯй диҳад»; қиссаҳое аз зиндагии ҳаррӯза
Ин сериали иҷтимоию омӯзанда аз ҷумлаи асарҳои қиссавии телевизиони Эрон буда, бо таҳияи Акбар Таҳвилиён ва ҳамкории чанд коргардон дар солҳои 2009 то 2014 сохта шудааст.
Ҳар қисмати он достони мустақил дошта, қаҳрамонҳо ва рӯйдодҳои алоҳидаро дар бар мегирад. Қиссаҳо аз воқеаҳои эҳтимолии зиндагии ҳаррӯза илҳом гирифта шудаанд; аз ихтилофҳои оилавӣ ва нофаҳмиҳо то ҳасад, фиреб, қазовати нодуруст ва қарорҳое, ки метавонанд сарнавишти инсонро тағйир диҳанд.
Ин сериал бо нишон додани паёмадҳои рафтору интихоби одамон, бинандаро ба андеша дар бораи виҷдон, масъулиятшиносӣ, ростқавлӣ ва арзиши муносибатҳои инсонӣ водор мекунад.
«Қиссаҳои Тибиён»; ҳикоятҳое бо паёмҳои ахлоқӣ ва қуръонӣ
Шаби ҷумъа, 13 ноябр, як қисмати сериали «Қиссаҳои Тибиён» низ аз шабакаи «Айфилм2» пахш мешавад.
Ин сериал бо таҳияи марҳум Фараҷуллоҳ Салоҳшӯр сохта шуда, ҳар қисмати он ҳикояти мустақилеро нақл мекунад. Қиссаҳои он бар асоси мафҳумҳои қуръонӣ ва ривоятҳои куҳан, рӯйдодҳои таърихӣ ва воқеаҳои ҳақиқӣ офарида шудаанд.
Дар ин асар мавзӯъҳои муҳими иҷтимоӣ ва ахлоқӣ, аз ҷумла муносибати нек бо ҳамсоя, риояи инсоф дар муомилот, дарёфти ризқи ҳалол, ахлоқ дар бозор, соҳибкорӣ ва корҳои хайр баррасӣ мешаванд.
Бозгашти «Оқо ва хонум Сангӣ» ва оғози «Пойтахт 5»
сериали «Оқо ва хонум Сангӣ» аз рӯзи шанбе, 14 ноябри соли 2026, дубора ба ҷадвали пахши «Айфилм2» бармегардад. Ҳамчунин, нахустин қисмати мавсими панҷуми сериали «Пойтахт» низ аз ҳамин рӯз намоиш дода мешавад.
