Сериали таърихию сиёсии «Ду нимаи моҳ» аз имрӯз, якшанбе, 1 ноябри соли 2026, дар шабакаи Айфилм2 намоиш дода мешавад. Ин қиссаи сарнавишти ду кӯдакест, ки дар пайи рӯйдодҳои сиёсӣ зиндагии онҳо ба куллӣ тағйир меёбад.
Сериал бо коргардонии Аҳмад Муъаззамӣ таҳия шуда, саргузашти Озар ва Ваҳидро дар заминаи таҳаввулоти сиёсиву иҷтимоии Эрон аз даҳаи 40 то даҳаи 60-и тақвими ҳиҷрии шамсӣ бозгӯ мекунад. Ин давраи пурошӯб на танҳо симои ҷомеа, балки зиндагии мардуми одиро низ дигар месозад.
Қисса аз кӯдакии Озару Ваҳид оғоз мешавад. Дар хонаи хонаводаи онҳо паноҳ гирифтани яке аз аъзои Созмони муҷоҳидини халқ боиси даргирие мегардад, ки дар натиҷаи он падару модари ду кӯдак ҷони худро аз даст медиҳанд. Пас аз ин фоҷиа, Озару Ваҳидро ба ятимхонае месупоранд, ки таҳти сарпарастии зане бо номи Мадам қарор дорад. Аммо ҳаводиси баъдӣ сарнавишти онҳоро ба ду роҳи гуногун мебарад.
Бо гузашти вақт, зиндагии қаҳрамонҳо дар пасманзари тағйироти сиёсӣ ва иҷтимоии кишвар идома меёбад. Сериал нишон медиҳад, ки чӣ гуна рӯйдодҳои бузурги таърихӣ метавонанд ба интихоби инсонҳо, муносибатҳои оилавӣ ва сарнавишти шахсии онҳо таъсир расонанд.
Фаъолият ва таҳаввулоти марбут ба Созмони муҷоҳидини халқ низ аз мавзӯъҳои меҳварии ин асар буда, дар заминаи рӯйдодҳои ҳамон давра тасвир шудаанд.
Дар сериал ҳунармандоне чун Маҳаё Деҳқонӣ, Дориюш Фарҳанг, Ҳамид Гударзӣ, Нимо Нодирӣ, Насрин Бобоӣ, Айюб Оқохонӣ, Маҳлақо Боқирӣ, Нигин Сидқгӯё ва Куруш Сулаймонӣ нақш офаридаанд.
«Ду нимаи моҳ» ҳар рӯз соати 18:00 ба вақти Кобул ва 18:30 ба вақти Душанбе аз шабакаи Айфилм2 намоиш дода мешавад.
