Сериали мазҳакавии «Оқо ва хонум Сангӣ» аз 6 ноябри соли 2026 дар шабакаи «Айфилм2» намоиш дода мешавад. Силсилафилм дар бораи ишқ, издивоҷ, мушкилоти оилавӣ ва талош барои наҷоти фермаи шутурмурғпарварӣ нақл мекунад.
Қаҳрамони асосии қисса Саъид Сангӣ барои таъсиси фермаи шутурмурғпарварӣ боғеро, ки аз падараш мерос мондааст, мефурӯшад. Қарор буд маблағи он барои издивоҷи се хоҳараш сарф шавад, аммо Саъид қурбони қаллобӣ шуда, фермаашро низ аз даст медиҳад.
Дар ҳамин миён, Эҳсон Сангӣ ба Саҳар, хоҳари хурдии Саъид, дил мебандад ва барои издивоҷ бо ӯ қадам мегузорад. Саъид барои ин издивоҷ шартҳои душвор мегузорад, вале Эҳсон аз қарораш даст кашиданӣ нест. Ҳамин тавр, талош барои барқарор кардани ферма ва монеаҳои издивоҷ боиси сар задани ҳодисаҳои ҷолибу хандаовар мегарданд.
Комбез Дербоз, Алиризо Ҷаъфарӣ, Шарора Давлатободӣ, Сусан Парвар, Аббос Ҷамшедӣфар, Ҳуман Ҳоҷӣабдуллоҳӣ, Ризо Некхоҳ ва Ҳуман Барқнавард аз ҷумлаи ҳунармандони ин силсилафилм мебошанд.
«Оқо ва хонум Сангӣ» аз ҷумъа, 6 ноябри соли 2026, ҳар рӯз дар соатҳои зерин намоиш дода мешавад:
- Соати 19:00 — ба вақти Кобул
- Соати 19:30 — ба вақти Душанбе
Тамошобинони Тоҷикистон ва Афғонистон метавонанд ҳар рӯз саргузашти пурмоҷарои хонаводаи Сангиро дар шабакаи Айфилм2 тамошо кунанд.
