Ба гузориши Айфилм2, тамошобинони ин шабака имрӯз, чоршанбе, 23 Сентябри 2026, бо қисми охирини мавсими аввали серияли «Ситоиш» ҳамроҳ мешаванд. Ин сериял дар қисмҳои қаблӣ пасту баландиҳои зиндагии Ситоиш ва хонаводаашро дар рӯбарӯ бо озмоишҳои душвори зиндагӣ ба тасвир кашидааст.
Мавсими аввали «Ситоиш» бо коргардонии Саьид Султонӣ ва сенарияи Саьид Матлабӣ соли 2010 истеҳсол шудааст. Қисса дар фазои солҳои ҷанг ва даҳаи 60-уми тақвими шамсӣ мегузарад. Меҳвари асосии ин мавсим зиндагии Ситоиш ва рӯйдодҳоест, ки баъд аз моҷарои бародараш Муҳаммад масири зиндагии ӯро тағйир медиҳанд. Ошноӣ ва издивоҷи Ситоиш бо Тоҳир Фирдавс, мухолифатҳои хонаводаи Тоҳир, ба вижа падараш Ҳишмат Фирдавс ва ҳодисаҳои баъд аз он, бахши муҳими қиссаи ин мавсимро ташкил медиҳанд.
Бо даргузашти Тоҳир, зиндагии Ситоиш вориди марҳилаи нав мешавад. Ӯ, ки акнун модари ду фарзанд аст, бо душвориҳое рӯбарӯ мешавад, ки аз як сӯ ба гузаштаи хонавода ва аз сӯи дигар ба ихтилофҳои печида бо Ҳишмат Фирдавс иртибот доранд. Идомаи ин рӯйдодҳо заминаи қиссаи мавсимҳои баъдии «Ситоиш»-ро низ фароҳам мекунад.
Дар мавсими аввали ин сериял ҳунармандоне чун Дориюш Арҷманд, Наргис Муҳаммадӣ, Меҳдӣ Покдел, Меҳдӣ Сулукӣ, Симо Тирандоз, Ромсин Кибритӣ, Ҷамшед Машойихӣ, Қурбон Наҷафӣ, Маҳмуд Азизӣ, Заҳро Саъидӣ ва Шиво Хунёгар нақш офаридаанд. Бозии Дориюши Арҷманд дар нақши Ҳишмат Фирдавс ва Наргис Муҳаммадӣ дар нақши Ситоиш аз ҷанбаҳои маъруфи ин сериял ба шумор мераванд.
«Ситоиш» дар се мавсим истеҳсол шуда, дар солҳои баъд аз истеҳсол низ аз ҷумлаи сериялҳои сертамошобини телевизиони Эрон ва миёни форсизабонони ҷаҳон будааст. Айфилм2 низ қаблан мавсимҳои гуногуни ин сериялро барои тамошобинони худ пахш кардааст.
Қисми охирини мавсими аввали «Ситоиш» имрӯз, чоршанбе, 23 Сентябри 2026, соати 19:00 ба вақти Теҳрон, 20:00 ба вақти Кобул ва 20:30 ба вақти Душанбе аз шабакаи Айфилм2 пахш мешавад.
Ҳамчунин аз фардо, 24 Сентябр, мавсими дуюми «Ситоиш» ҷойгузини мавсими аввал мешавад, то қиссаи зиндагии Ситоиш ва фарзандонаш дар марҳилаи нав идома ёбад.
