Имрӯз барои бинандагони Айфилм 2 як шаби вижа ва фарқкунанда аст; шабе, ки ду сериали пурбинанда, «Чархи фалак» ва «Сурон» ба поён мерасанд ва сарнавишти қиссаҳое, ки муддате пайгирӣ мешуданд, маълум мегардад.
Аввал, қисмати поёнии сериали «Чархи фалак» имрӯз соати 16:00 ба вақти Теҳрон, 17:00 ба вақти Кобул ва 17:30 ба вақти Душанбе пахш мешавад. Ин сериал бо сохтори эпизодӣ, ҳар рӯз достоне тоза пешкаши бинанда кард; қиссаҳое содда, аммо наздик ба зиндагӣ, ки ҳар яке паёми ахлоқии худро дошт. Дар тӯли ин муддат, бинандагон бо шахсиятҳои гуногун ҳамсафар шуданд ва диданд, ки чӣ гуна қарорҳои хурд метавонанд роҳи зиндагии инсонҳоро тағйир диҳанд.
Акнун дар қисмати охир, интизор меравад охирин достони ин сериал оинае комил аз ҳамин нигоҳ бошад; ривояте, ки шояд бештар аз ҳар вақт бинандаро ба андеша водор кунад ва тасвири равшане аз паёми асосии сериал пешниҳод намояд. Барои онҳое, ки ин сериалро пайгирӣ мекарданд, ин қисмат метавонад маънои тозае ба ҳамаи қиссаҳои гузашта диҳад.
Дар идома, қисмати ниҳоии сериали «Сурон» соати 18:00 ба вақти Теҳрон, 19:00 ба вақти Кобул ва 19:30 ба вақти Душанбе пахш мегардад. Ин сериал бо фазои ҷиддӣ ва достоне наздик ба воқеиятҳои таърихӣ тавонист таваҷҷуҳи бисёре аз бинандагонро ҷалб кунад. «Сурон» ривояти истодагӣ, мубориза ва интихобҳои душвор дар шароити печида аст; мавзӯе, ки барои бисёре аз бинандагони минтақа ошно ва қобили дарк мебошад.
Дар тӯли ин сериал, бинандагон бо қаҳрамонҳое ҳамроҳ шуданд, ки ҳар кадом дар роҳи душворе қарор доштанд. Акнун дар қисмати охир, ҳама нигарони онанд, ки сарнавишти ин шахсиятҳо чӣ гуна рақам мехӯрад; оё ба ҳадафи худ мерасанд ё роҳи дигаре дар пеш доранд? Ҳамин саволҳо боис шудаанд, ки қисми ниҳоии «Сурон» барои бинандагон аҳамияти махсус дошта бошад.
Поёни ҳамзамони ин ду сериал, омезише аз ду фазои гуногунро дар як шаб нишон медиҳад; аз достонҳои рӯзмарра ва инсонӣ дар «Чархи фалак» то ривояти ҷиддӣ ва пуртаниш дар «Сурон». Ин гуногунӣ имшабро ба як шаби махсус барои бинандагони Айфилм 2 табдил додааст.
Бар асоси барномаи пахш, аз фардо сериали «Рӯзҳои беқарорӣ» ҷойгузини «Чархи фалак» хоҳад шуд ва сериали «Армуғони торикӣ» низ ба ҷои «Сурон» ба антенна мебарояд.
