Дар идомаи истиқболи фасли аввал, акнун навбати фасли дуюми сериали «Аз сарнавишт» расидааст; фасле, ки бо ривояти тозае аз зиндагии «Ҳошим» ва «Суҳроб», аз рӯзи панҷшанбе 30 апрел, ҳар рӯз аз шабакаи Айфилм 2 пахш мешавад.
Сериали «Аз сарнавишт» ба коргардонии Муҳаммадризо Хирадмандон ва Алиризо Базрафшон ва ба қалами Муҳаммад Маҳмудӣ Султонӣ, Руҳуллоҳ Сиддиқӣ ва Соро Хусравободӣ, аз ҷумлаи осори иҷтимоии пурбинандаи телевизиони Эрон ба шумор меравад, ки бо тамаркуз бар сарнавишти инсонҳо дар шароити душвори зиндагӣ, тавониста таваҷҷуҳи доираи васеи бинандагонро ҷалб кунад. Фасли нахустини ин сериал, ки ҳоло аз Айфилм 2 пахш мешавад, бо ривояти давраи кӯдакии «Ҳошим» ва «Суҳроб», заминасози ворид шудани бинанда ба ҷаҳони пурпечутоби ин ду қаҳрамон гардид.
Аммо дар фасли дуюм, достон ба марҳилаи нав ворид мешавад; ҷое ки «Ҳошим» ва «Суҳроб» дигар кӯдакони бепаноҳ нестанд, балки ба ҷавонҳое ҷӯёи кор ва оянда табдил ёфтаанд. Онҳо дар талош барои сохтани зиндагии мустақил, бо воқеиятҳои талху ширини ҷомеа рӯбарӯ мешаванд. Пешниҳоди кор аз ҷониби яке аз наздикони «Ҳошим», равзанае аз умедро барои ин ду ҷавон боз мекунад; аммо ба зудӣ, хиёнат ва беэътимодӣ роҳи зиндагии онҳоро дигаргун месозад. Моҷарои нопадид шудани пул ва бархӯрд бо корфармо, онҳоро дар мавқеияте қарор медиҳад, ки бояд миёни ноумедӣ ва истодагӣ якеро интихоб кунанд.
Фасли дуюми сериали «Аз сарнавишт» бо пардохти воқеъгароёнатар, ба мавзӯъҳое чун талош барои рӯзгузаронӣ, эътимод дар равобити корӣ, масъулиятпазирӣ ва нақши интихоби шахсӣ дар таъйини оянда мепардозад. Ин мафҳумҳо, ба вижа барои ҷавонон дар Афғонистон ва Тоҷикистон, ки бо чолишҳои мушобеҳи иҷтимоӣ ва иқтисодӣ рӯбарӯ ҳастанд, қобили дарк ва андешабарангез мебошанд.
Дар ин фасл, гурӯҳе аз бозигарони ҷавон ва таҷрибадор ҳузур доранд; аз ҷумла Кайсон Дибоҷ, Доро Ҳайоӣ, Фотима Баҳормаст, Маҳдис Таваккулӣ, Марзия Мусавӣ, Маҷид Вошиқонӣ, Лайло Булукот, Ҳусейн Покдел, Моида Таҳмосбӣ, Пурё Пурсурх, Фарибо Нодирӣ, Алиризо Устодӣ, Шабнам Фаршодҷу, Сайид Меҳрдод Зиёӣ, Ниюша Моманӣ ва дигар ҳунармандон. Ин таркиб ба боварпазирии ривоят ва интиқоли эҳсосоти гуногуни достон мусоидат кардааст.
Аз нуктаҳои барҷастаи ин фасл метавон ба ритми тезтари ривоят, гиреҳҳои печидатари достонӣ ва тамаркуз бар қарорҳои сарнавиштсоз ишора кард; унсурҳое, ки боис мешаванд бинанда бо ҳар қисмат бештар даргири сарнавишти қаҳрамонҳо шавад. Ҳамчунин намоиши раванди рушди шахсиятҳо аз кӯдакӣ то ҷавонӣ, яке аз вижагиҳои фарқкунандаи ин сериал ба ҳисоб меравад.
Бар асоси ин гузориш, сериали «Аз сарнавишт 2» аз рӯзи панҷшанбе 30 апрел, ҳар рӯз соати 19:00 ба вақти Теҳрон, 20:00 ба вақти Кобул ва 20:30 ба вақти Душанбе аз шабакаи Айфилм 2 пахш мегардад; ривояти идомадоре аз умед, талош ва интихобҳое, ки ояндаро месозанд.
