Сериали «Армуғони торикӣ»; ривояти нафасгир аз рӯзҳои пурошӯби Эрон, аз рӯзи душанбе 27 апрели 2027, аз шабакаи Айфилм 2 пахш мегардад.
Дар миёни осори иҷтимоӣ–сиёсӣ, ки ба бозхонии рӯйдодҳои ҳассоси таърихӣ мепардозанд, «Армуғони торикӣ» яке аз сериалҳоест, ки бо нигоҳи достонмеҳвар ва пуршиддат, бинандаро ба умқи таҳаввулоти даҳаи ҳаштодуми мелодӣ дар Эрон мебарад; даврае, ки фаъолияти гурӯҳҳои сиёсӣ ва кашмакашҳои идеологӣ фазои ҷомеаро печида ва пурибҳом сохта буд.
Ин сериал ба нависандагӣ ва коргардонии Ҷалил Сомон, бо ривояти чандқабата талош мекунад аз дидгоҳи як ҷавон, печидагиҳои интихоб, бовар ва сарнавиштро ба тасвир кашад. Қисса аз зиндагии «Маҷид» оғоз мешавад; ҷавони боистеъдод ва донишҷӯи риштаи аксбардорӣ, ки дар солҳои нахустини пас аз инқилоб, ба яке аз ҷараёнҳои сиёсӣ ҷалб мешавад. Зиракӣ ва ҳуши ӯ сабаб мегардад, ки зуд мавриди эътимод қарор гирад, аммо ҳамин эътимод ӯро дар масири як маъмурияти ҳассос ва сарнавиштсоз мегузорад; маъмурияте, ки миёни ӯҳдадорӣ, тардид ва ҳақиқат, ӯро бо интихобҳои душвор рӯбарӯ месозад.
«Армуғони торикӣ» танҳо як ривояти сиёсӣ нест, балки дар умқи худ достони инсонӣ аз кашмакашҳои дарунӣ, таъсири боварҳо бар сарнавишти инсон ва паёмадҳои қарорҳои бузургро баён мекунад. Ин навъи пардохт онро барои бинандагони Афғонистон ва Тоҷикистон, ки ба достонҳои амиқ ва ибратомӯз алоқа доранд, ҷолиб месозад.
Дар ин сериал, гурӯҳе аз бозигарони шинохта ҳузур доранд; аз ҷумла Ораш Маҷидӣ, Амир Оқоӣ, Лайло Зореъ, Судоба Байзоӣ, Маҷид Маширӣ, Ҳамидризо Ҳидоятӣ, Шоҳин Таслимӣ, Амир Ғафформаниш, Марям Худораҳмӣ, Тарлон Парвона, Соқӣ Зиннатӣ ва Фараҳноз Манафӣ Зоҳир. Таркиби ин чеҳраҳо дар канори коргардонии мунсаҷим, фазои драматикӣ ва боварпазирии асарро тақвият бахшидааст.
Аз вижагиҳои барҷастаи ин сериал метавон ба фазосозии дақиқи таърихӣ, ривояти тадриҷии таълиқ ва истифода аз унсурҳои муаммоӣ ишора кард; унсурҳое, ки сабаб мешаванд ҳар қисмат бо саволҳои нав анҷом ёбад ва бинандаро ба пайгирии идомаи достон ташвиқ намояд. Ҳамчунин пардохти ҳунармандона ба мавзӯи «интихоб дар шароити буҳрон» аз нуктаҳое аст, ки ин асарро фаротар аз як ривояти оддии сиёсӣ қарор медиҳад.
Бар асоси ин гузориш, сериали «Армуғони торикӣ» аз рӯзи душанбе 27 апрели 2027, ҳар рӯз соати 18:00 ба вақти Теҳрон, 19:00 ба вақти Кобул ва 19:30 ба вақти Душанбе аз шабакаи Айфилм 2 пахш хоҳад шуд; фурсате барои тамошои достоне пуртаълиқ, ки миёни торикии тардид ва рӯшноии ҳақиқат дар ҳоли тағйир аст.
