Аз ҳамин имрӯз, фазои шабҳои iFilm2 ранги тоза мегирад. Силсилафилми маҳбубу хотирмон «Турш ва ширин» аз 16-уми январ 2026 рӯи мавҷ рафта, ҷойгузини силсилафилми «Поварчин» шудааст; асаре, ки бо муҳити шод, мавқеъиятҳои ғайримунтазира ва шахсиятҳои дӯстдоштанӣ, бинандаро бе муқаддима вориди қисса месозад.
Бино ба гузориши iFilm2, силсилафилми «Турш ва ширин» ба коргардонии «Ризо Атторон» ва нависандагии «Суруш Сиҳҳат» соли 2007 таҳия гардида, аз қисматҳои нахустин зиндагии «Нусратхонум»-ро дар меҳвари ривоят қарор медиҳад; зане устувору худтакя, ки пас аз даргузашти ҳамсар, бори зиндагиро бар дӯш гирифта, фарзандонашро бо обрӯ ба воя мерасонад. Поёни муҳлати иҷораи хона ӯро маҷбур ба кӯчидан месозад, аммо ҳамин ҷобаҷогузории ба зоҳир сода, даричае ба силсилаи рӯйдодҳои пешбининопазир мекушояд; мавқеъиятҳое, ки гоҳ табассум меоранд ва гоҳ нигаронӣ.
Қудрати силсилафилми «Турш ва ширин» маҳз дар ҳамин соддагист. Достон аз миёни воқеиятҳои рӯзмарра бармеояд, аммо ҳар қисмат, чолиши наверо пеши роҳи шахсиятҳо мегузорад ва сарнавишти «Нусратхонум» ва хонаводаашро ба масирҳои ғайримунтазира мекашонад. Мухотаб дар канори ҳазли гарми силсилафилм, бидуни он ки худ огоҳ шавад, пайгири натиҷаи қарорҳо ва паёмадҳои онҳо мегардад.
Дар ин асар бозигароне чун Ҳамид Лулоӣ, Ризо Атторон, Маҷид Солеҳӣ, Оноҳито Ҳимматӣ, Ризо Шафеъӣ-Ҷам, Марям Амирҷалолӣ, Шуҳра Султонӣ, Аҳмад Пурмухбир, Хашоёр Род ва Аббос Маҳбуб ҳузур доранд; таркибе, ки фазои шӯхтабъонаи достонро зинда нигоҳ дошта, ба равобити хонаводагии силсилафилм ранги боварпазир мебахшад.
Силсилафилми «Турш ва ширин» аз имрӯз, 16-уми январ 2026, дар iFilm2 пахш мегардад ва вақти пахши он 18:00 ба вақти Теҳрон, 19:00 ба вақти Кобул ва 19:30 ба вақти Душанбе аст; ривояте самимӣ, ки ҳар қисмати он кунҷковии наверо барои идомаи достон эҷод мекунад.
