Ба гузориши iFilm2, аз ҳамин имрӯз оҳанги тозае ба пахши барномаҳои iFilm2 ворид мегардад. Силсилафилми пурҳодисаи «Нориё» аз имрӯз,15-уми феврали соли 2026, пахш шуда, ҷойгузини силсилафилми «Ҷалол 2» мегардад; асаре, ки бо фазои асроромез ва таъқибҳои нафасгир, тамошобинро бетаъхир вориди майдони моҷаро месозад.
«Нориё» ба коргардонии Ҷавод Афшор ва нависандагии Ҳамид Расул Ҳидоятӣ-Пур дар соли 1404 таҳия шуда, ривояти муосире аз муқобилияти дониш бо шабакаҳои пинҳонии қудратро пешкаш менамояд. Меҳвари достон «Ҳужон» аст, духтари нобиға ва донишманде, ки рӯйи ихтироъе кор мекунад, ки метавонад вобастагии кишварашро аз воридоти як маҳсулоти муҳим поён диҳад. Ҳамин дастоварди илмӣ ӯро нохоста дар масири муқобила бо шабакаҳое қарор медиҳад, ки манофеашон дар вобаста боқӣ мондани кишварҳо нуҳуфтааст. Аз ҳамин ҷо занҷираи таҳдидҳо, таъқибҳо ва дасисаҳои чандқабата оғоз меёбад ва ҳар қисмат гиреҳи наверо пешорӯи тамошобин мегузорад.
Силсилафилм дар канори таълиқи амниятӣ, бар иродаи фардӣ ва бҳои истодагӣ тамаркуз мекунад. Номи «Нориё», ки ба маънои «қаҳрамон» ё «духтаре аз ҷинси нур» таъбир мешавад, дар бунёди ривоят маънои амиқтар меёбад; он ҷо ки нури дониш дар баробари сояи таҳдид қад меафрозад. Ин қабати маънавӣ ба қисса умқ бахшида, пайгирии сарнавишти «Ҳужон»-ро ба таҷрибае ҷалбкунанда табдил медиҳад.
Дар ин асар ҳунарпешагони шинохтае чун Муҳаммадризо Шарифиниё, Амирил Арҷманд, Козим Балучӣ, Ошо Меҳробӣ, Афсона Чеҳраозод, Роз Разавӣ, Сайидҷавод Ҳошимӣ, Атобак Нодирӣ, Садриддин Ҳиҷозӣ, Муҳаммад Ширӣ, Фарибо Мутахассис, Насим Адабӣ, Видо Ҷавон, Каманд Амирсулаймонӣ ва Сипанд Амирсулаймонӣ ҳузур доранд; таркибе, ки шабакаи мураккаби қаҳрамонҳоро ҷон бахшида ва майдони муқобилаи достонро пуррангтар месозад.
Силсилафилми «Нориё» аз имрӯз, 15-уми феврали соли 2026, рӯйи мавҷи iFilm2 меравад ва соати пахши он 17:00 ба вақти Теҳрон, 18:00 ба вақти Кобул ва 18:30 ба вақти Душанбе муқаррар шудааст; ривояте пуртаълиқ, ки ҳар қисмати он суоли наверо дар зеҳни тамошобин боқӣ мегузорад.
