Бо наздик шудан ба қисматҳои поёнии силсилафилми «Рӯзе Рӯзгоре», шабакаи iFilm2 аз рӯзи душанбе 25 майи 2026 силсилафилми пурмухотаби «Кимиё»-ро рӯи антенна мебарад; силсилафилми иҷтимоӣ–таърихие, ки достони он дар се мақтаи ҳассос аз таърихи муосири Эрон ривоят мешавад.
Достони силсилафилм аз солҳои пеш аз Инқилоби Исломии Эрон оғоз мешавад; даврае, ки фазои сиёсӣ ва иҷтимоӣ зери сояи низоми ситамшоҳӣ ва вобастагӣ ба қудратҳои хориҷӣ, бо таниш ва норизоятии мардум ҳамроҳ аст. Дар маркази ин ривоят, хонаводае қарор дорад, ки ихтилофи нигоҳ миёни падар ва духтар масири ҳодисаҳоро печидатар месозад. «Кимиё» духтари пурсишгар ва муътариз аст, дар ҳоле ки падараш марди низомӣ ва сахтгир буда, ба назм ва қонун бовар дорад.
Бо пешрафти достон, ҳодисаҳо вориди марҳилаи тозае мешавад; рӯзҳои пас аз пирӯзии Инқилоби Исломӣ ва сипас оғози ҷанг ва таҷовузи неруҳои баасии Ироқ ба хоки Эрон. Ин бахши силсилафилм танҳо бар фазои ҷанг тамаркуз надорад, балки нишон медиҳад, ки чӣ гуна буҳрон ва ноамнӣ сарнавишти хонаводаҳоро дигаргун месозад ва шахсиятҳоро дар баробари интихобҳои душвор қарор медиҳад.
Яке аз хатҳои муҳими достонӣ, талоши Кимиё барои ҳифзи хонавода дар миёни тавтиаҳо ва дасисаҳоест, ки оҳиста-оҳиста абъоди густардатар пайдо мекунад. Ӯ дар тӯли ривоят аз як духтари ҷавон ба шахсияте муқовим ва устувор табдил мешавад; масире, ки дар пайванд бо таҳаввулоти сиёсӣ ва иҷтимоӣ шакли тадриҷӣ ва пурчолиш дорад.
Сохтори силсилафилми бар пояи гузари замон ва тағйири наслҳо шакл гирифта ва ҳамин вижагӣ боис шудааст фазои достон аз давраҳои гуногуни таърихӣ убур кунад; аз рӯзҳои эътироз ва инқилоб то фазои ҷанг ва солҳои пас аз он. Ин тағйири давраҳо ба силсилафилм густарае васеъ дода ва мухотабро бо сарнавишти шахсиятҳо дар замонҳои мутафовит ҳамроҳ месозад.
Дар ин силсилафилм, бозигароне чун Меҳрова Шарифиниё, Ҳасан Пурширозӣ, Озито Ҳоҷиён, Пуриё Пурсурх, Меҳдӣ Покдел, Меҳдӣ Султонӣ, Сайид Меҳрдод Зиёӣ, Амирҳусайн Ормон, Сугул Таҳмосбӣ ва дигар ҳунармандон ҳузур доранд ва ҳар кадом бахше аз ин ривояти чандқабатаро шакл медиҳанд.
Дар маҷмӯъ, силсилафилми «Кимиё» достони насле аст, ки дар миёни инқилоб, ҷанг ва буҳронҳои пайдарпай талош мекунад хонавода, ҳувият ва боварҳои худро ҳифз кунад.
Дар поён бояд ёдовар шуд, ки силсилафилми «Кимиё» аз душанбе 25 майи 2026, ҳар шаб ба ҷуз панҷшанбеҳо соати 21:00 ба вақти Теҳрон, 22:00 ба вақти Кобул ва 22:30 ба вақти Душанбе аз шабакаи iFilm2 пахш мешавад.
