Филми синамоии «Вилояти ишқ» баргирифта аз сериали таърихӣ ва мазҳабии ҳамном буда, қиссаи муҳоҷирати Имом Ризо (а)-ро аз Мадина ба Марв ва рӯзҳои охири зиндагии он ҳазрат бозгӯ мекунад. Ин филм рӯзи панҷшанбе, 12 ноябри соли 2026, аз шабакаи «Айфилм2» пахш мешавад.
Филмро Маҳдӣ Фахимзода ба ҳайси коргардон ва муаллифи сенария таҳия кардааст. Дар он бахшҳои муҳими зиндагии ҳазрати Алӣ ибни Мӯсо ар-Ризо (а) дар давраи хилофати Аббосиён ба тасвир кашида шудаанд. Ривояти филм аз ҳаводиси пуртаниш пас аз марги Ҳорун оғоз ёфта, бо саргузашти валиаҳдии Имом Ризо (а), ҳузури он ҳазрат дар Хуросон ва дар ниҳоят шаҳодати эшон идома меёбад. Дар ин миён, шахсиятҳои таърихӣ ва дарбори хилофати Аббосиён низ дар ҷараёни рӯйдодҳои достон нақши муҳим доранд.
Шаҳри Марв, ки аз шаҳрҳои бостонии Хуросони бузург ба шумор меравад, яке аз маконҳои асосии рӯйдодҳои ин филм аст. Ин сарзамин бо бахшҳои муҳими таърих ва фарҳанги муштараки мардуми минтақа пайванди ногусастанӣ дорад.
Нусхаи сериали «Вилояти ишқ» дар 30 қисм таҳия шуда, соли 2000 ба намоиш гузошта шуд. Нусхаи синамоии он бо интихоб ва фишурдасозии бахшҳое аз ҳамин сериал омода гардида, имкон медиҳад, ки бинанда дар муддати кӯтоҳтар бо хатти асосии достон ва рӯйдодҳои муҳими он ошно шавад.
Фаррух Неъматӣ дар нақши Имом Ризо(а), Муҳаммад Содиқӣ, Акбар Занҷонпур, Довуд Рашидӣ, Ромбуд Ҷавон, Дониёл Ҳакимӣ, Мерило Зореъӣ, Бежан Имкониён ва Фатҳалӣ Увайсӣ аз ҳунармандони ин филм мебошанд.
«Вилояти ишқ» яке аз асарҳои маъруфи телевизионӣ дар заминаи бозгӯии таърихи ислом ба шумор меравад. Ин филм бо тасвири муҳоҷирати Имом Ризо (а) ба Хуросон ва рӯйдодҳои даврони Маъмун, бахше аз таърих ва фарҳанги динии минтақаро дар қолаби як достони ҳунарӣ пешкаши бинандагон мекунад.
Филми синамоии «Вилояти ишқ» рӯзи панҷшанбе, 12 ноябри соли 2026, соати 21:00 ба вақти Кобул ва 21:30 ба вақти Душанбе аз шабакаи «Айфилм2» пахш мешавад.
