Филми «Фарзанди чорум» бо нависандагӣ ва коргардонии Ваҳид Мусоиён рӯзи панҷшанбе, 8 октябри 2026, аз Айфилм2 пахш мешавад. Филм достони худро аз Теҳрон оғоз карда, тамошобинро ба Сомалӣ ва Кения мебарад; кишварҳое, ки мардумашон бо қаҳтӣ, ҷанг ва ноамнӣ рӯбарӯ ҳастанд.
Қаҳрамони асосӣ Руъё, ситораи синамоест, ки баъд аз рӯ овардан ба аксбардорӣ бо ҳадафи башардӯстона ба Сомалӣ меравад, то зиндагии мардумро аз наздик бубинад. Дар ин сафар ӯ бо Масъуд, як соҳибкоре, ки барои кумак ба мардуми Сомалӣ омадааст, ва Иброҳим, табиби эронӣ дар маркази Ҳилоли Аҳмар, ҳамроҳ мешавад.
Қисми зиёди филм дар Кения ва Сомалӣ ба навор гирифта шудааст. Ҳангоми наворбардорӣ ҳавопаймои коргардон ва чанде аз гурӯҳи филмсозон бар асари нуқси фаннӣ суқут кард ва онҳо бо ҷароҳатҳои сабук аз ин ҳодиса наҷот ёфтанд.
«Фарзанди чорум» соли 2012 истеҳсол шуда, аз филмҳои ширкаткунанда дар 31-умин Ҷашнвораи филми Фаҷр мебошад. Маҳдӣ Ҳошимӣ, Маҳтоб Кароматӣ, Ҳомид Беҳдод ва Фотима Муътамидориё аз ҷумлаи бозигарони ин филм ҳастанд.
«Фарзанди чорум» 8 октябри 2026, соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе аз Айфилм2 пахш мешавад.
