Саргузашти хостгориҳои бенатиҷаи Асад Хуморлу имшаб ба анҷом мерасад. Қисми охири сериял хотирмони «Сартарошхонаи зебо» имрӯз, 3-уми Октябр, аз Айфилм2 пахш мешавад.
Асад, сартароши танҳо, бо пешниҳоди пайвастаи наздиконаш барои издивоҷ ба хостгории духтарони гуногун меравад, аммо ин вохӯриҳо аксаран ба воқеаҳои хандаовар табдил меёбанд. Дар ниҳоят, ӯ ба зане дил мебандад, вале мухолифати модараш мушкилоти навро ба вуҷуд меорад. Дар қисми охир сарнавишти ин муносибат муайян мешавад.
«Сартарошхонаи зебо» бо коргардонии Марзия Бруманд дар солҳои 1990 ва 1991 сохта шуда, дар 13 қисм зиндагии як сартароши миёнсолро ба тасвир мекашад. Яке аз вижагиҳои ин сериял истифода аз муҳити сартарошхона ва рафтуомади муштариён барои офаридани ҳикояҳои мазҳакавӣ мебошад. Ин муҳит дар баробари саргузаштҳои хонаводагии Асад, имкон медиҳад, ки рафторҳо, одатҳо ва муносибатҳои иҷтимоӣ низ ба риштаи тасвир кашида шаванд.
Мавзӯъҳое чун дахолати оила дар интихоби ҳамсар, нигаронӣ аз муҷаррад мондан ва фарқияти дидгоҳҳои наслҳо барои тамошобинони Афғонистон ва Тоҷикистон низ ошност. Ҳамин наздикӣ ба зиндагии рӯзмарра, дар баробари ҳунарнамоии Ризо Бобак, Муртизо Аҳмадӣ, Ҳасан Пурширозӣ, Фотима Муътамидориё, Баҳром Шоҳмуҳаммадлу, Парӣ Амирҳамза, Ҳусайн Касбиён, Маҳмуд Басирӣ ва Розия Буруманд, ба ин асар фазои хотирмон бахшидааст.
Қисми охири «Сартарошхонаи зебо» имрӯз, 3-уми Октябр, соати 16:00 ба вақти Теҳрон, 17:00 ба вақти Кобул ва 17:30 ба вақти Душанбе аз Айфилм2 пахш мешавад.
Бо анҷоми ин сериал, аз фардо, якшанбеи 4-уми Октябр, сериял «Сарбоз» дар ҳамин соат ҷойи онро мегирад. Ин сериял зиндагии Яҳё ва ҳамсараш Ялдо ва мушкилоти муносибатҳои эҳсосию хонаводагии онҳоро дар давраи сарбозӣ ба тасвир мекашад.
