Пас аз ҳафтаҳо ҳамроҳии бинандагон бо достони пурэҳсос ва пуррози «Марҳам», имшаб қисмати охирини ин силсилафилм аз шабакаи iFilm 2 пахш хоҳад шуд; поёне барои достоне, ки дар тӯли намоиши худ мафҳумҳое чун дилтанӣ, масъулият, эътимод ва ҷустуҷӯи маънои тозае барои зиндагиро меҳвари ривояти худ қарор дода буд.
Силсилафилми «Марҳам» ба коргардонии Муҳаммадризо Оҳанҷ ва нависандагии Муҳсин Ҷасур ва Ҳусайн Сулаймонӣ таҳия шудааст ва пеш аз пахш бо номи «Пардисон» шинохта мешуд. Ин асар бо нигоҳе иҷтимоӣ ва хонаводагӣ талош кардааст зиндагии инсонҳоеро ба тасвир кашад, ки миёни ҷудоӣ, хотираҳои гузашта ва интихобҳои душвор дар пайи дармони захмҳои пинҳони зиндагии худ ҳастанд.
Дар ҷараёни қисматҳои гузашта, бозгашти Манижа пас аз солҳои дароз гиреҳҳои асосии достонро шакл дод ва қаҳрамонҳоро бо ҳақиқатҳое рӯбарӯ кард, ки солҳои зиёд ногуфта монда буданд. Ҳамин бозгашт заминаи ошкор шудани розҳои куҳна ва бознигарӣ дар муносибатҳои хонаводагиро фароҳам овард ва достонро ба сӯи масъалаҳои эътимод, фидокорӣ ва бахшиш раҳнамун сохт.
Яке аз вижагиҳои фарқкунандаи «Марҳам» пардохтан ба зиндагии хонаводаҳое буд, ки ҳамсаронашон барои фаъолиятҳои динӣ ба минтақаҳои гуногун сафар кардаанд. Ин фазо, ки дар осори телевизионӣ камтар ба тасвир кашида шудааст, ба силсилафилм рангу бӯи вижаи иҷтимоӣ бахшидааст. Ҳамин нигоҳи инсонӣ ва наздик ба воқеият боис шуд, ки бинандагони Афғонистон ва Тоҷикистон низ бо мушкилот ва эҳсосоти қаҳрамонҳои достон ҳамдардӣ намоянд.
Дар ин силсилафилм ҳунармандоне чун Рӯъё Ҷовидниё, Муно Карамӣ, Видо Ҷавон, Масъуд Интизорӣ, Насим Адабӣ, Нодир Сулаймонӣ, Каманд Амирсулаймонӣ, Ализризо Устодӣ, Сафо Оқоҷонӣ, Баҳром Иброҳимӣ, Куруш Сулаймонӣ ва Сипанд Амирсулаймонӣ нақш офаридаанд.
Қисмати ниҳоии силсилафилми «Марҳам» имрӯз, 22 июл, соати 18:00 ба вақти Теҳрон, 19:00 ба вақти Кобул ва 19:30 ба вақти Душанбе аз шабакаи iFilm 2 пахш мешавад.
Ҳамчунин аз фардо дар ҳамин соат силсилафилми «Расми ошиқӣ» ҷойгузини «Марҳам» хоҳад шуд.
