Бинандагони iFilm2 имшаб шоҳиди пахши қисми ниҳоии мавсими дуюми силсилафилми «Рӯзҳои беқарорӣ» хоҳанд буд; мавсиме, ки дар ҳафтаҳои гузашта бо ривояти пуртаниши муносибатҳои хонаводагӣ, интихобҳои душвор ва паёмадҳои тасмимҳои гузашта таваҷҷуҳи бисёре аз бинандагонро ба худ ҷалб намуд. Ин силсилафилм имрӯз, 16-уми июни соли 2026, бо пахши қисми охирини худ парвандаи яке аз печидатарин марҳилаҳои достонро мебандад.
Дар мавсими дуюм, достон беш аз ҳар вақти дигар ба паёмадҳои ҳодисае тамаркуз дошт, ки зиндагии Раҳо, Фарҳод ва Сороро барои ҳамеша дигаргун сохт. Бозгашти Раҳо пас аз моҳҳо бехабарӣ муодилаҳои зиндагии қаҳрамонҳоро тағйир дод ва силсилаи кашмакашҳои эҳсосӣ, хонаводагӣ ва ахлоқиро ба вуҷуд овард; кашмакашҳое, ки акнун дар остонаи расидан ба нуқтаи авҷи худ қарор доранд.
Дар канори ривояти эҳсосӣ, ҳузури ҳунармандони шинохташудае чун Абулфазл Пурараб, Пажмон Бозиғӣ, Илҳом Ҳамидӣ, Соро Суфиёнӣ ва Комрон Тафтӣ ба боварпазирӣ ва таъсиргузории бештари достон мусоидат кардааст. Ҳамчунин, раванди тадриҷии ошкор шудани розҳо ва гиреҳҳои достон фазои интизориву ҳаяҷонро то қисми охирин ҳифз намудааст.
Акнун бо расидани силсилафилм ба қисми ниҳоӣ, бисёре аз саволҳое, ки аз оғози мавсими дуюм зеҳни бинандагонро машғул карда буданд, посухи худро хоҳанд ёфт ва сарнавишти ниҳоии қаҳрамонони асосӣ равшан хоҳад шуд.
Қисми поёнии мавсими дуюми силсилафилми «Рӯзҳои беқарорӣ» имрӯз соати 16:00 ба вақти Теҳрон, 17:00 ба вақти Кобул ва 17:30 ба вақти Душанбе аз шабакаи iFilm2 пахш мешавад.
Ёдовар мешавем, ки аз фардо силсилафилми «Суҷон» дар ҳамин соат ҷойгузини «Рӯзҳои беқарорӣ 2» хоҳад шуд.
