Мухотабони iFilm2 ба зудӣ бо як таҷрибаи тозаи телевизионӣ рӯ ба рӯ мешаванд; силсилафилме, ки ҳар қисмати он достони нав дорад ва ҳар бор гӯшаи тозае аз зиндагии инсонҳоро нишон медиҳад. Силсилафилми «Чархи Фалак» аз 1 марти 2026 дар ҷадвали пахши ин шабака қарор гирифта ва ҷойгузини силсилафилми «Замона» мешавад.
Коргардонии силсилафилми «Чархи Фалак»-ро, Азизуллоҳ Ҳамиднижод, Баҳром Азим-пур ва Эҳсон Абдӣ-пур ба таври муштарак анҷом додаанд. Ин асар сохтори эпизодӣ дорад; яъне ҳар бахш достони ҷудогонаеро ривоят мекунад, аммо ҳамаи қиссаҳо бо як мафҳуми ахлоқии муштарак ба ҳам пайванд мехӯранд.
Вижагии ҷолиби ин силсилафилм он аст, ки шахсиятҳо дар ҳар достон ҷойгоҳ иваз мекунанд; бозигаре, ки дар як қисмат нақши кӯтоҳ дорад, мумкин аст дар қисмати баъдӣ ба шахсияти аслӣ табдил шавад. Ҳамин гардиши нақшҳо ҳисси воқеитари зиндагии иҷтимоиро эҷод мекунад ва нишон медиҳад, ки чӣ гуна сарнавишти инсонҳо ба шакли ноаён ба якдигар пайваст аст.
Дар ҳар қисмат, мухотаб бо инсонҳое рӯ ба рӯ мешавад, ки шояд ба одамони одии атрофаш монанд бошанд; касоне, ки бо интихобҳои хурд ё бузург, масири зиндагии худ ва дигаронро тағйир медиҳанд. Ҳамин соддагии ривоят сабаб мешавад бинанда бидуни эҳсоси фосила, худро дар қалби достонҳо пайдо кунад ва муштоқ бимонад, ки бидонад дар қисмати баъдӣ чӣ рӯй хоҳад дод.
Дар ин силсилафилм, гурӯҳи бузурге аз бозигарони шинохташуда ҳузур доранд; аз ҷумла Беҳноз Ҷаъфарӣ, Ҳамидризо Озаранг, Андеша Фулодванд, Лола Сабурӣ, Сайид Меҳрдод Зиёӣ, Меҳрон Аҳмадӣ, Амир Оқоӣ, Лайло Утодӣ, Мелод Кай-Маром, Маздак Рустамӣ, Маҷид Наврузӣ, Ошо Меҳробӣ, Шабнам Муқаддамӣ, Фотима Муртозӣ, Линдо Киёнӣ, Кайҳон Маликӣ, Абулфазл Ҳайдарӣ, Афшин Хуршед Бохтарӣ, Фатона Малик-Муҳаммадӣ, Аббос Ғазолӣ, Қосим Зореъ, Ҳусайн Сулаймонӣ, Тарлон Парвона, Алиризо Ҷаъфарӣ, Фарзона Нишотхоҳ, Баҳром Иброҳимӣ, Эҳсон Аббосӣ, Эҳсон Амонӣ, Маҳваш Сабркун, Ситора Ҳусайнӣ ва Зуҳра Наъимӣ, ки ҳар кадом дар достоне мутафовит зоҳир мешаванд.
«Чархи Фалак» талош мекунад бо ривоятҳои кӯтоҳ аммо таъсиргузор, мухотабро ба андеша дар бораи интихобҳо, паёмадҳои рафторҳо ва иртиботи инсонҳо бо якдигар водорад. Ҳамин гуногунӣ дар достонҳо сабаб мешавад ҳар қисмат ҳисси тозае дошта бошад ва бинанда барои дидани достони баъдӣ кунҷков бимонад.
Силсилафилми «Чархи Фалак» аз имрӯз 1 марти 2026 соати 16:00 ба вақти Теҳрон, 17:00 ба вақти Кобул ва 17:30 ба вақти Душанбе, Тоҷикистон аз iFilm2 пахш мешавад; соате муносиб барои бинандагоне, ки мехоҳанд дар миёнаи рӯз достоне мутафовит ва тааммулбарангезро тамошо кунанд.
