Дар остонаи моҳи мубораки Рамазон, пахши силсилафилми «Растгорӣ» аз таърихи 15-уми феврали соли 2026 тавассути шабакаи iFilm2 оғоз мегардад; асаре фарқкунанда дар жанри моравоӣ, ки бо ривояти пурҳаяҷон аз қисмати нахустин тамошобинро бо фазои асроромез ва дилаҳангези худ ҳамроҳ месозад. Ин силсилафилм ба коргардонии яке аз коргардонҳои барҷастаи эронӣ Масъуд Деҳнамакӣ талош мекунад тасвири намоишие аз мафҳумҳои барзахӣ ва рӯёрӯйии инсон бо паёмадҳои аъмоли худро пешкаш намояд.
Ба гузориши iFilm2 , қиссаи «Растгорӣ» зиндагии як сармоядори боимонро пайгирӣ мекунад, ки дар миёни муносибатҳои корӣ ва хонаводагӣ бо рӯйдодҳои ваҳшатнок ва пешбинӣнопазир рӯбарӯ мегардад. Ривояти силсилафилм бо нигоҳе тоза ба ҷаҳони пас аз марг, дараҷаҳои ахлоқӣ ва эътиқодиро дар заминаи таълиқ ва тарс пеш мебарад ва мавқеиятҳое меофарад, ки марзи миёни воқеият ва ношинохтаро камранг месозад.
Дар ин асар гурӯҳе аз ҳунарпешагони шинохта ҳузур доранд, аз ҷумла Маҳмуд Покният, Ҳамидризо Ҳидоятӣ, Алиризо Устодӣ, Ромин Ростод, Маҳдӣ Сулукӣ, Пӯё Аминӣ, Ромбуд Шакаробӣ, Кове Самакбошӣ, Афшин Сангчоп, Ҳасан Асадӣ, Мошоаллоҳ Шоҳмуродизода, Акбар Раҳматӣ, Ризо Таваккалӣ, Муҳаммадризо Раҳбарӣ, Сироҷ Молик, Маҳмуд Мақомӣ, Нафиса Рӯшан, Пӯрондухт Маҳиман, Сулмоз Ҳисорӣ ва Соқӣ Зинатӣ. Ҳамнишинии ин чеҳраҳо дар канори фазои вижаи достонӣ ба асар ранге мутафовит дар миёни тавлидоти намоишӣ бахшидааст.
Силсилафилми «Растгорӣ» бо такя бар унсурҳои моравоӣ ва фазосозии пуртаълиқ, таҷрибае ҷудогона барои тамошобинони iFilm2 фароҳам меорад ва аз ҳамон оғоз ҳисси тарс ва ҳаяҷонро ба таври пайваста дар ривоят ҳифз мекунад. Пахши ин силсилафилм аз 15-уми феврали соли 2026 оғоз шуда, соати намоиши он 19:00 ба вақти Теҳрон, 20:00 ба вақти Кобул ва 20:30 ба вақти Душанбе муқаррар гардидааст.
