Бо ба поён расидани қиссаи пурфарозу нишеби сериали «Афро», шабакаи iFilm2 аз имрӯз, сешанбе 3 феврали соли 2026, пахши сериали наверо оғоз мекунад ва лаҳзаҳои тозаеро барои тамошобинони форсизабони Тоҷикистон, Афғонистон ва Эрон рақам мезанад.
Сериали «Аз нафас афтода» ба коргардонии Қосим Ҷаъфарӣ, як драмаи иҷтимоӣ-сиёсии дорои моядҳои ошиқона ва таърихист, ки саргузашти ду дӯсти давраи кӯдакӣ ба номҳои Орош ва Шида-ро ривоят мекунад. Дар миёни муборизаҳои сиёсӣ ва фишорҳои иҷтимоии солҳои мунтаҳӣ ба Инқилоби Исломии Эрон, ин ду боз ба ҳам мерасанд ва пайванди эҳсосии онҳо дар заминаи чолишҳои иҷтимоӣ ва сиёсӣ қарор мегирад. Қисса мекӯшад нишон диҳад, ки чӣ гуна сиёсат ва таҳаввулоти бузурги таърихӣ метавонанд масири зиндагӣ ва интихобҳои шахсии инсонҳоро дигаргун созанд.
Дар ин сериал гурӯҳе аз ҳунармандони шинохташуда ҳузур доранд, ки бо иҷрои нақшҳои қобили дарк ва таъсиргузори худ, ба боварпазирии қисса мусоидат кардаанд. Аз ҷумлаи бозигарони сериали «Аз нафас афтода» метавон аз Хотира Ҳотамӣ, Зуҳра Факурсабур, Алиром Нуроӣ, Садруддин Шаҷара, Иззатуллоҳ Ҷомеъии Нудушан ва Фарҳод Туҷвидӣ ном бурд, ки ҳар кадом дар нақшҳои таъсиргузор, бинандаро бо нигарониҳо ва дардҳои қаҳрамонҳо ҳамроҳ месозанд.
Сериали «Аз нафас афтода» аз имрӯз, сешанбе 3 феврали соли 2026, ҳар шаб соати 19:00 ба вақти Теҳрон, 20:00 ба вақти Кобул ва 20:30 ба вақти Душанбе аз шабакаи iFilm2 пахш хоҳад шуд. Бо оғози пахши ин сериал, ҷадвали шабонагии iFilm2 бо фазое тоза ва ривоятҳое инсонӣ ва таърихӣ идома меёбад ва тамошобинон метавонанд ҳамроҳи достоне пуртаниш ва ҳамзамон эҳсосӣ бошанд.
