Тибқи гузориши iFilm 2, сериали телевизионии «Аз нафас афтода» қарор аст аз рӯзи сешанбе, 3 феврали соли 2026, аз шабакаи ҷаҳонии iFilm 2 ба пахш расад; сериали иҷтимоӣ-сиёсие, ки бо ривояти муборизаҳои инқилобӣ, ҷойгузини сериали «Афро» дар ҷадвали пахши ин шабака мегардад.
«Аз нафас афтода» яке аз тавлидоти барҷастаи даҳаи ҳаштодуми солшумории хуршедии телевизиони Эрон аст, ки ба коргардонии Қосим Ҷаъфарӣ сохта шудааст; асаре, ки бо тамаркуз бар пайвандҳои эҳсосӣ, тааҳҳуди иҷтимоӣ ва фазои пуртаниши солҳои мунтаҳӣ ба Инқилоби Исломӣ, мекӯшад тасвири инсонии насли даргир бо таҳаввулоти сиёсиро пешниҳод намояд; ривояте, ки барои бинандагони Афғонистон ва Тоҷикистон, ба далели таҷрибаҳои таърихии муштарак, ошно ва қобили дарк аст.
Қиссаи ин сериал атрофи меҳвари «Ораш» ва «Шида» шакл мегирад; ду дӯсти айёми кӯдакӣ, ки солҳо баъд, дар миёни муборизаҳои инқилобӣ бори дигар ба ҳам мерасанд. Пайванди эҳсосии миёни ин ду, тадриҷан дар бистари рӯйдодҳои сиёсӣ ва фишорҳои иҷтимоӣ қарор мегирад ва онҳоро водор месозад, то миёни ишқ, тааҳҳуд ва масъулияти иҷтимоӣ ба интихобҳои душвор даст зананд. «Аз нафас афтода» талош дорад нишон диҳад, ки сиёсат чӣ гуна сарнавишти инфиродии инсонҳоро дигаргун месозад.
Дар ин сериал, бозигароне чун Хотира Ҳотамӣ, Зуҳра Факурсабур, Алиром Нуроӣ, Садруддин Шаҷара, Иззатуллоҳ Ҷомеӣ Надушан ва Фарҳод Таҷвидӣ нақшофарӣ кардаанд. Ҳамгироии ин бозигарон ба қисса фазои қобили бовар ва чандқабата бахшида, қаҳрамонҳоро ба гунае тасвир мекунад, ки бинанда тавонад бо нигарониҳо ва кашмакашиҳои онҳо ҳамдардӣ намояд.
Бар асоси ин гузориш, сериали «Аз нафас афтода» аз сешанбе, 3 феврали соли 2026, ҳар шаб соати 19:00 ба вақти Теҳрон, 20:00 ба вақти Кобул ва 20:30 ба вақти Душанбе, Тоҷикистон, аз шабакаи ҷаҳонии iFilm 2 пахш мешавад.
