Ба гузориши iFilm2, мусиқӣ барои форсизабонон танҳо як ҳунари шунавоӣ нест; он хотира аст, эҳсос аст ва пулест миёни дилҳое, ки бо як забон нафас мекашанд. Дар ин миён, оҳангҳое, ки бар меҳвари ишқ ва дилбастагӣ шакл мегиранд, бештар аз ҳама қудрат доранд марзҳоро канор гузошта, шунавандаро бо худ ҳамроҳ созанд; бидуни ниёз ба тавзеҳ ё тарҷума.
Орун Афшор аз ҷумлаи овозхонҳои муосири эронӣ аст, ки осораш дар миёни форсизабонон, ба вижа дар Тоҷикистон, шунавандагони бисёр пайдо кардааст. Ӯ бо номи аслии Ваҳид Афшор, 22 июни соли 1998 дар Машҳад ба дунё омада, илова бар овозхонӣ дар соҳаи оҳангсозӣ ва навохтани гитора низ фаъолият дорад. Ҷаҳони мусиқоии ӯ бар эҳсосоти сода, аммо амиқ бунёд ёфтааст; дилтангӣ, ишқ, интизорӣ ва ниёзи эҳсосӣ меҳвари асосии бештари таронаҳояшро ташкил медиҳанд.
Ин овозхони эронӣ чанде пеш бо баргузории консерт дар Тоҷикистон бо истиқболи гарми дӯстдорони мусиқӣ рӯ ба рӯ шуд; истиқболе, ки нишон дод таронаҳои ошиқона, вақте ба забони муштарак хонда мешаванд, ба зудӣ роҳи худро ба дили шунаванда боз мекунанд.
Дар идомаи гузоришҳои мусиқоии iFilm2 , суруди «Ороми дили ман» аз Орун Афшор барои мухотабон интихоб шудааст; порчае, ки бо оҳанги мулоим ва каломи равшан фазои ошиқонаро бепарда ривоят мекунад. Дар ин тарона, ровӣ бо забоне сода, аммо пурэҳсос, аз беқарорӣ, вобастагӣ ва ниёз ба маъшуқ сухан мегӯяд; ишқе, ки набуданаш ҷаҳонро холӣ месозад.
Дар ин гузориш, мухотабони Ба гузориши iFilm2 метавонанд шунавандаи суруди «Ороми дили ман» бошанд; таронае, ки бо такя ба эҳсоси муштараки форсизабонон, бори дигар нишон медиҳад мусиқӣ чӣ гуна метавонад забони дилҳо бошад ва эҳсосро бевосита интиқол диҳад.
