Бо наздик шудани қисматҳои поёнии фасли дуюми сериали «Аз сарнавишт», шабакаи Айфилм2 аз рӯзи панҷшанбеи 28 майи соли 2026, фасли сеюми ин сериали пурбинандаро рӯи антенна мебарад; фасле, ки қаҳрамонҳои асосӣ акнун аз солҳои кӯдакӣ ва наврасӣ убур кардаанд ва вориди марҳилае мешаванд, ки тасмимҳо ва розҳои гузашта таъсири амиқтаре бар зиндагияшон мегузорад.
Дар фаслҳои пешин, бинандагон шоҳиди рушду боландагии «Ҳошим» ва «Суҳроб» буданд; ду кӯдаке, ки зиндагияшон аз ятимхона оғоз шуд ва масирҳои пурпечутоберо пушти сар гузоштанд. Акнун дар фасли сеюм, пас аз гузар аз давраи кӯдакӣ ва наврасӣ, ҳар ду вориди давраи ҷавонӣ шудаанд ва зиндагӣ зоҳиран рӯйи оромтаре ба худ гирифтааст. Кор ва фаъолияти муштараки Ҳошим ва Суҳроб равнақ ёфта ва ояндаи рӯшане дар баробари онҳо қарор дорад, аммо ин оромиш давоми чандоне пайдо намекунад.
Дар идомаи ҳодисаҳо, «Ҳошим», ки худро барои издивоҷ бо «Нағма» омода мекунад, ногаҳон вориди як парвандаи қочоқ мешавад; моҷарое, ки на танҳо зиндагии шахсии ӯ, балки масири ояндаашро низ зери таъсир қарор медиҳад. Ҳамзамон, «Суҳроб» бо ҳақиқате рӯбарӯ мешавад, ки метавонад нигоҳашро нисбат ба гузашта ва ҳувияти худаш дигаргун созад.
Яке аз нуктаҳои муҳими фасли сеюм, вуруди ҷиддитарии мавзӯи ҳувият, тааллуқ ва паёмадҳои тасмимҳои гузашта ба матни достон аст. Бар хилофи фаслҳои ибтидоӣ, ки бештар бар шаклгирии қаҳрамонҳо тамаркуз дошт, дар ин фасл пурсишҳои тозае матраҳ мешавад; пурсишҳое, ки посухи онҳо метавонад сарнавишти қаҳрамонҳоро тағйир диҳад.
Дар ин фасл, бозигароне чун Ҳусайн Покдил, Пурё Пурсурх, Лайло Булукот, Маҷид Вошиқонӣ, Алиризо Устодӣ, Фарибо Нодирӣ, Фотима Баҳормаст, Доро Ҳайоӣ ва Кайсон Дибоҷ дар нақшҳои асосӣ ҳузур доранд.
Дар поён бояд ёдовар шуд, ки фасли сеюми сериали «Аз сарнавишт» аз панҷшанбеи 28 майи соли 2026 соати 19:00 ба вақти Теҳрон, 20:00 ба вақти Кобул ва 20:30 ба вақти Душанбеи Тоҷикистон аз шабакаи Айфилм2 пахш мешавад.
