Ба гузориши iFilm2, ин рӯзҳо телевизион бо намоиши чанд сериали диданӣ ва пурмазмун, соатҳои хушу пурҳиссиётро барои тамошобинони тоҷик фароҳам овардааст. Ҳар яке аз ин сериалҳо рангҳои муҳаббат, ханда, андеша ва таърих доранд ва кунҷҳои зиндагӣ ва эҳсоси мардумони ҳамзабонро бозтоб медиҳанд; асарҳое, ки дилҳоро аз Душанбе то Ҳирот ва аз Самарқанд то Теҳрон ба ҳам мепайванданд.
Дар оғози рӯз, сериали драмавии «Ҳасту нест» дар экран намоиш дода мешавад; ҳикояи ду дӯсти дерина, Ҳамид ва Фарҳод, ки аз кӯдакӣ ҳамроҳ буданд. Онҳо бо ду хоҳар издивоҷ мекунанд ва зиндагияшон ором аст, то он даме, ки тафовут дар дидгоҳ ва андешаи онҳо фосила эҷод мекунад. Яке дар ҷустуҷӯи молу манзалат аст ва дигаре дар пайи муҳаббат ва ростӣ.
Ҳунарнамоии ҷилоофари Фарҳод Қоъимиён, Ҳамидризо Пагоҳ, Илҳом Пованажод ва Нигор Обидӣ ин асарро ба яке аз сериалҳои драмавии иҷтимоии таъсиргузор табдил додааст.
Ин сериал ҳар рӯз соати 17:30 ба вақти Душанбе намоиш дода мешавад.
Баъд аз он, навбати сериали полисӣ ва пурҳаяҷони «Ҳаштпо» мерасад; драмавие пуррамз дар бораи саргузашти саргурд Касро Киёнфар, афсари ботаҷрибаи пулис, ки дар пайи ошкор кардани сирри куштори марде пулдор, ба шабакаи хатарноки қочоқи маводи мухаддир мерасад.
Ҳунарнамоии Саъид Чингизиён, Эраҷ Наврӯзӣ, Муҳсин Баҳромӣ, Афсона Чеҳраозод, Ризо Акбарпур, Мино Воҳид, Алиризо Меҳрон ва Сипанд Амирсулаймонӣ таҳти роҳбарии коргардон Аҳмад Муъаззамӣ, ин асарро ба яке аз драмаҳои криминалии диданитарин табдил додааст.
»Ҳаштпо» ҳар рӯз соати 18:30 ба вақти Душанбе дар экран намоиш дода мешавад.
Дар идома, сериали тамошобоби хандаовар ва дӯстдоштаи «Поварчин» намоиш дода мешавад; яке аз асарҳои мондагори Меҳрони Мудирӣ, ки бо шӯхии зиракона, рӯйи ҷомеаро дар шакли дилнишин нишон медиҳад. Дар ин асар, Меҳрони Мудирӣ, Сайидчаводи Разавӣён, Муҳаммадризо Ҳидоятӣ, Саъиди Пирдӯст ва Шақоиқи Деҳқон бо офаридани шахсиятҳои маъруфи «Барара» ва «Пойини Барара», ҷаҳоне пур аз ханда ва андеша месозанд.
Ин сериал ҳар рӯз соати 19:30 ба вақти Душанбе дар экран намоиш дода мешавад.
Ҳангоми шом, фазо ранги адолат ва тафаккур мегирад. Сериали додгоҳии «Оқои Қозӣ-2» бо ҳунарнамоии Беҳзоди Халаҷ ҳар шаб аз iFilm2 намоиш дода мешавад. Дар ҳар қисм, ҳикояи наве аз мардум ва ҳукмҳои онҳо нақл мешавад; асаре, ки тамошобинро ба андеша дар бораи адолат ва инсоният даъват мекунад.
«Оқои Қозӣ-2» ҳар шаб соати 20:30 ба вақти Душанбе дар экран намоиш дода мешавад.
Баъд аз ин, "Ман як иҷоранишинам" як силсилаи хотирмон аст, ки меҳмони таваҷҷӯҳи шумо хоҳад буд. Ин асар сохтаи Парисо Бахтовар буда, бо ҳунарнамоии ҳунармандони маъруф мисли Саъид Оқохонӣ, Амир Ҷаъфарӣ, Римо Роминфар, Баҳора Роҳнамо, Илҳом Чарханда ва Сипанд Амирсулаймонӣ офарида шудааст.
Ҳикоя дар бораи зане солхӯрда бо номи Замона-хонум аст, ки пас аз солҳо зиндагӣ дар хориҷ, ба ватани худ бармегардад. Ӯ соҳиби бинои чандҳуҷрагӣ мебошад ва дар фурудгоҳ бо ҷавоне шӯху хушмуомила бо номи Масъуд шинос мешавад, ки ҳамчун нозири нав ба кор фаро гирифта шудааст ва вазифадор аст иҷоранишинҳоро пайдо кунад.
«Ман як иҷоранишинам» ҳар шаб соати 21:30 ба вақти Душанбе дар экран намоиш дода мешавад.
Дар охири шаб, тамошобинон бо сериали таърихии «Нардбоми осмон» ҳамроҳ мешаванд; ҳикояи зиндагии донишманди бузург, Ғиёсуддин Ҷамшеди Кошонӣ, ки бо ҳуши худ дарҳои нав ба илми риёзӣ ва астрономияро боз кард.
Ҳунарнамоии Ваҳид Ҷалилванд, Раҳим Нурӯзӣ ва Соро Хўйиниҳо тамошобинро ба саёҳати маънавӣ аз замин то осмон мебарад.
Ин сериал ҳар шаб соати 22:30 ба вақти Душанбе намоиш дода мешавад.
Кондуктори iFilm2 аз аср то шаб мисли саёҳат аз ханда то андеша аст; ҷое, ки муҳаббат, адолат, драмаву таърих дар паҳлӯи ҳам лаҳзаҳои хуш ва пурмазмунро ба хонаводаҳои форсизабон тақдим мекунанд.
